<
एरंडोल(प्रतिनीधी)- युवा शक्ती एरंडोल तर्फेसालाबादाप्रमाने या वर्षी देखील वकील, डॉक्टर शिक्षक प्राध्यापक, पत्रकार, सर्वशासकीय कर्मचाऱ्यांचा क्रिकेट स्पर्धा घेण्यात आल्या. स्पर्धेत एरंडोल ग्रामीण रुग्णालय संघाने प्रथम क्रमांक पटकावले. तर कासोदा ग्रामीण रुग्णालय संघ उपविजेता ठरला. तिसरा क्रमांक शिक्षण विभाग एरंडोल संघाने पटकाविले. स्पर्धेत प्रथम बक्षीस राष्ट्रवादी काँग्रेस पार्टी एरंडोल तालुकाध्यक्ष प्रा. मनोज पाटील यांच्या कडून तर दुसरे बक्षीस एरंडोल पंचायत समितीचे सदस्य विवेक पाटील तर तिसरे बक्षीस प्रा. आर एस पाटील यांच्या कडून देण्यात आले. स्पर्धेत प्रत्येक सामना अटीतटीचा झाला. या वेळेस तालुका आणि शहरातील अनेक मान्यवरांनी उपस्थिती दिली. स्पर्धेत पंच म्हणून शशिकांत चौधरी, संदीप लहासे, पद्माकर मराठे, आबा महाजन, यांनी काम पहिले. बक्षीस वितरणाच्या कार्यक्रम यशवंतराव चव्हाण शिक्षण प्रसारक मंडळाचे अध्यक्ष अमित पाटील, प्रा. मनोज पाटील, विवेक पाटील, प्रमोद चौधरी, प्रा. आर एस पाटील, ईश्वर पाटील, जावेद मुजावर, एरंडोल शहराचे उपनगराध्यक्ष बबलु पहेलवान, शिक्षक संघटनांच्या राज्य समन्वय समितीचे राज्य समन्वयक महाराष्ट्र राज्य समता शिक्षक संघाचे राज्य महासचिव आदर्श शिक्षक किशोर पाटील कुंझरकर, आदी मान्यवरांचा हस्ते पार पडला. कार्यक्रमाचे सूत्र संचालन आर एस पाटील आणि मुख्तार शेख यांनी केले. स्पर्धा यशस्वी पार पाडण्यासाठी प्रमोद ठाकूर, आकाश धोबी, शुभम चौधरी, संदीप लहासे, मुख्तार शेख, विनीत मराठे, राहुल महाजन, इमरान शेख, आदींनी परिश्रम घेतले. सामन्याचे धावते समालोचन क्रिकेट पटू मुख्तार शेख, हिंदी, मराठी व इंग्रजी समालोचना वर जबरदस्त पकड असलेले किशोर पाटील कुंझरकर यांनी केले व सालाबादाप्रमाणे सर्वांना खिळवून ठेवले. आयोजकांच्या वतीने शुभम चौधरी यांनी व युवाशक्ती एरंडोल टीम ने सर्वांचे आभार व्यक्त केले
