<
पाळधी/धरणगांव(प्रतिनीधी)- सूर्या फाऊंडेशन संचलित, नोबल इंटरनॅशनल स्कुल पाळधी मध्ये महात्मा गांधींच्या पुण्यतिथि निमीत्त त्यांना अभिवादन करण्यात आले. याप्रसंगी स्कुलच्या अध्यक्षा सौ.अर्चना सूर्यवंशी व श्री. प्रशांत सूर्यवंशी यांनी राष्ट्र्पीता महात्मा गांधीं यांच्या प्रतिमेस पुष्पहार अर्पण करून अभिवादन केले. या वेळी शाळेचे मुख्याध्यापक श्री योगेश करंदीकर यांनी महात्मा गांधींच्या स्वातंत्र्यातील योगदानाविषयीची माहिती दिली. यात गांधीजींनी कश्या प्रकारे सत्य आणि अहिंसा यांच्या सह विविध आंदोलनाचे नेतृत्त्व करून भारतीय स्वातंत्र्यासाठी निरंतर लढा दिला याची माहिती विद्यार्थ्यांना दिली. या वेळी गुणंवंत पवार, विजया मोरे, अश्विनी ठाकरे, राधिका उपाध्याय, सुवर्णा पवार, यांच्या सह शाळेतील शिक्षक व शिक्षकेतर कर्मचारी या उपस्थित होते.
