सुरेश पाटील यांना मौलाना आझाद आदर्श पुरस्कार जाहीर

जळगांव(प्रतिनिधी)- येथील खुशारंभ एंटरप्राइजेस चे संचालक सुरेश रमेश पाटील यांना मौलाना आझाद आदर्श पुरस्कार जाहीर झाला आहे. ते आपल्या खुशारंभ एंटरप्राइजेस डिजिटल इंग्लिश स्पिकिंग च्या माध्यमातून ते एक नाममात्र फी घेऊन घरा घरात इंग्रजी पोहचवण्याच काम करीत आहे. तसेच गरीब विद्यार्थ्यांना मोफत इंग्रजी ते शिकवत आहे, तसेच ते फक्त इंग्रजी शिकवत नसून या माध्यमातून गरजूना रोजगार देखील उपलब्ध करून देत आहेत. त्यांनी शिक्षण क्षेत्रात केलेल्या उत्कृष्ट कार्याची दखल घेऊन त्यांना हा पुरस्कार घोषित करण्यात आला आहे. संस्थेचे अध्यक्ष फिरोज शेख यांनी या पुरस्काराची निवडपत्र देऊन घोषणा केली. महाराष्ट्रातील सामाजिक, शिक्षण, क्रिडा, पत्रकारीता, क्षेत्रात प्रशंसनीय कार्य करणार्‍या व्यक्तींना या पुरस्काराने सन्मानित केले जात आहे. पुरस्कार वितरण समारंभ रविवार(२३फेब्रुवारी) सकाळी ११ वाजता जळगांव जिल्हाधिकारी कार्यालयातील नियोजन भवनात त्यांना मान्यवरांच्या हस्ते सन्मानित केले जाणार आहे. त्यांना जाहीर झालेल्या पुरस्काराबद्दल त्यांचे सर्वत्र कौतुक होत आहे.