<
पाळधी/धरणगांव(प्रतिनीधी)- सूर्या फाऊंडेशन संचलित, नोबल इंटरनॅशनल स्कुल पाळधी मध्ये पुलवामा हल्यातील शहिद जवानांना श्रद्धांजली देऊनअभिवादन करण्यात आले. याप्रसंगी स्कुलच्या अध्यक्षा सौ. अर्चना सूर्यवंशी व श्री. प्रशांत सूर्यवंशी यांनी पुलवामा येथे अतिरेक्यांनी केलेल्या भ्याड हल्ल्याचा निषेध करून त्या विरांना श्रद्धांजली अर्पण करून अभिवादन केले. या वेळी शाळेचे मुख्याध्यापक श्री योगेश करंदीकर यांनी आपल्यासाठी सीमेवर लढणारे जवानांच्या योगदानाविषयीची माहिती दिली, यात आपले वीर सैनिक कश्या प्रकारे सीमेवर जीवाचे रान करून आपले संरक्षण करतात याविषयी माहिती विद्यार्थ्यांना दिली. या वेळी उज्वला झवर, गुणंवंत पवार, विजया मोरे, अश्विनी ठाकरे, राधिका उपाध्याय, सुवर्णा पवार, यांच्या सह शाळेतील शिक्षक व शिक्षकेतर कर्मचारी या उपस्थित होते.
