जामनेर मध्ये श्री संत गाडगे महारांजाची१४४ वी जयंती साजरी

जामनेर-(अभिमान झाल्टे) – महान थोर समाज सुधारक स्वच्छतेचे जनक राष्ट्रसंत गाडगे महाराज यांची १४४ वी जयंती मोठ्या उत्साहात साजरी करण्यात आली . संत गाडगे महाराज बहुउद्देशीय संस्था जामनेर यांच्या वतीने व समाज बांधवांच्या सहयोगातुन कार्यक्रमाचे आयोजन करण्यात आले होते . आज सकाळी पाचोरा रोड वरील श्रीकृष्ण नगर येथील पंचमुखी हनुमान मंदिर येथे समाज बांधवानी परीसरातील साफसफाई करुन स्वच्छ केले . नंतर संत गाडगेबाबांच्या मुर्तीचे पुष्पहार अर्पण करुन पुजन करण्यात आले . ज्या गाडगे महाराजांनी आपले उभ्या आयुषात दिवस असो रात्र गल्लो गल्ली जावुन रस्त्यांची नाही तर बुरसटलेल्या मनां मनांची साफसफाई केली . किर्तनाच्या माध्यमातुन समाज प्रबोधन पर व्याख्खान देऊन समाजाला समजेल त्या भाषेत उपदेश देत समाज जागृती केली .
अशा थोर महान संतांची जयंती साजरी करण्यात आली .
त्या प्रसंगी सुनिल शिरसाठ , अरुण रोकडे, योगेश परीट, किशोर रोकडे, नारायण लोंढरे, सुभाष शिरसाठ, दशरथ राऊत , बबन बाविस्कर,भाउराव रोकडे, योगेश रोकडे, नितीन महाले, आदि समाज बांधव व नागरीक मोठ्या संख्येने उपस्थित होते.