स्व. डॉ. अविनाश आचार्य यांच्या स्मृतीनिमित्त आजपासून भागवत कथा सप्ताह चे आयोजन

जळगाव – (प्रतिनिधी) – केशवस्मृती सेवासंस्था समूह आणि डॉ.आचार्य कुटुंबीय यांच्या संयुक्त विद्यमाने जळगावातील सामाजिक कार्यांची मुहूर्तमेढ रोवणारे स्व.डॉ. अविनाशजी (दादा) आचार्य यांच्या स्मृतीनिमित्त येत्या २८ फेबु्वारी ते ५ मार्च दरम्यान दुपारी २.३० ते ६ यावेळेत छत्रपती संभाजीराजे नाट्यगृह महाबळ रोड, जळगाव येथे प्रख्यात प्रवचनकार आणि जळगावातील चिमुकले राम मंदिरातील कथाकार श्री.दादा महाराज जोशी यांच्या मुखातून भागवत कथा सप्ताहाचे आयोजन करण्यात आले आहे. जळगाव शहरात प्रथमच वातानुकूलीत सभागृहात भागवत कथेचे आयोजन करण्यात आलेले असून जळगावकर नागरिकांकरिता विनाशुल्क भागवत कथेचा लाभ घेता येणार आहे. या श्रवणभक्तीचा सर्व जळगावकरांनी लाभ घ्यावा, असे आवाहन आयोजक केशवस्मृती सेवासंस्था समूह व डॉ.आचार्य कुटुंबीय यांनी केले आहे.