<
कृत्रिम हात (रोबोटीक हँड) लावा, गेलेला आनंद परत मिळवा
जळगांव-(प्रतिनिधी) – रेल्वे अपघातात,मोटर अपघात किंवा अन्य कारणाने ज्यांचे हात कोपरा पासून किंवा कोपराच्या वर पासून कापले गेले असतील अथवा जन्मतः हात नसतील अशा व्यक्तींना कृत्रिम हात लावण्याचे शिबिर प्रथमच जळगांव शहरात आयोजित करण्यात येत असून त्या करीता गरजू व्यक्तींची नाव नोंदणी दि.१ मार्च ते १५ मार्च२०२० पर्यंत करण्यात येणार आहे. शिबिर एप्रिल महिन्यात घेण्यात येणार आहे.
भारतात दरवर्षी ४० हजार लोकांचे विविध कारणाने हात कापले जातात. कृत्रिम हाताची किंमत जास्त असल्याने अनेक लोकं असे हात बसवू शकत नाही.म्हणून सामाजिक जबाबदारी समजून प्रतिष्ठान शिबिराचे आयोजन करत आहे.
कसा आहे कृत्रिम हात
कृत्रिम हात पुर्णतः इलेक्ट्रॉनिक हात आहे.
१२ वॅट बॅटरी वर ८ तास हाताची हालचाल करता येते.
१० किलो पर्यंत वजन उचलता येते.सहज लावता येतो.दोन वर्षांची वॉरंटी असेल.
लाभार्थी कसे होता येईल
दारिद्य्र रेषेखालील व्यक्तींना शिबिरात कृत्रिम हात निःशुल्क लावले जातील. आर्थिक सक्षम असलेल्या व्यक्तींना कमी दरात कृत्रिम जात लावले जातील.
शिबिराचा लाभ फक्त जळगांव जिल्ह्यातील व्यक्तींनाच घेता येईल
सामाजिक संस्था व दानशूर व्यक्तींनी या उपक्रमात सहभाग नोंदवावा
मराठी प्रतिष्ठान लोकवर्गणीतुन व लोक सहभागातून समाज उपयोगी प्रकल्प राबवते ज्याचा मुळे समाजातील अनेक लोकांच्या जीवनात आनंद येईल हा एकमेव उद्देश असतो. म्हणून सहभागी व्यक्ती व संस्था यांचे स्वागत असेल.
नाव नोंदणी करीता लागणारे कागदपत्रे
आधार कार्ड,पोस्ट कार्ड साईझ फोटो, दारिद्र्य रेषे खालील व्यक्ती असल्यास पिवळे कार्ड(ओरिजिनल) व त्याची झेरॉक्स,बँक पास बुक चे सहा महिन्यांचे स्टेटमेंट,मोबाईल नंबर.
खालील ठिकाणी नाव नोंदणी करता येईल
१)देशपांडे मोटर ड्रायव्हिंग स्कूल, आर टी ओ ऑफिस समोर, गणपती नगर,जळगांव
२)विजयकुमार रामदास वाणी, नवी पेठ,जळगांव
३)खुशल ऑटोमोबाईल, कालिका माता मंदिर रोड, जळगांव
४)ग्लोबल मीटर सर्व्हिसेस, रेड क्रॉस समोर, बी जे मार्केट,जळगांव.
सूचना- १५ मार्च नंतर नाव नोंदणी केली जाणार नाही.
शिबिराची चौकशी मोबाईल वर करू नये ही नम्र विनंती. तसेच याा शिबीराचा लाभ गरजूंनी घेण्याचे आवाहन मराठी प्रतिष्ठान, जळगांव यांच्या वतीने करण्यात आले आहे.
