जळगाव, दि.७ – निधी फाऊंडेशनच्या कामाची कार्याची दखल घेत दि.६ रोजी पुण्यात इंडियन पॉवर वूमन २०२० पुरस्कार देऊन गौरव करण्यात आला.
सिल्व्हर इज युटोपीयन प्रा.लि.तर्फे आयोजित या कार्यक्रमाचे प्रमुख पाहुणे म्हणून पुणे सीआयडी शाखेचे पोलीस अधीक्षक प्रकाश गायकवाड, स्नेहालयचे संस्थापक डॉ.गिरीश कुलकर्णी, स्ट्रॅटेजीक फोरसाईट ग्रुपचे सल्लागार सचिन इटकर हे होते.
महिला क्षेत्रासह विविध क्षेत्रात उत्तुंग कामगिरी करणाऱ्या राज्यातील १२ महिलांचा यावेळी सन्मान करण्यात आला.
मासिक पाळी या विषयी निधी फाऊंडेशनच्या माध्यमातून केलेल्या कार्याची दखल घेत या पुरस्काराने वैशाली विसपुते यांना सन्मानित करण्यात आले. यावेळी वैशाली विसपुते यांच्ये पती जे नेहमी खंबीर पणे त्यांच्या समाजकार्यात सोबत असतात श्री सुर्यकांत विसपुते हे देखील उपस्थित होतेे.
