<
जम्मु – काश्मिर येथे होते तैनात. बेटावद येथे आज होणार अत्यंसंस्कार
जामनेर-(अभिमान झाल्टे) – देशाच्या सेवेसाठी सीमेवर तैनात असलेल्या जामनेर तालुक्यातील बेटावद बु. गावातील प्रविण शांताराम लोहार (वय.३३ ) या जवानाचे हृदयविकाराच्या झटक्याने दु:खद निधन झाले.
जवान प्रविण शांताराम लोहार हे आपल्या लहान भाऊच्या सोयरीक संबंधासाठी चार दिवसां पुर्वीच सुटीवर घरी बेटावद येथे आले होते.
काल दि. ८ रोजी सकाळी त्यांना अस्वस्थ वाटल्याने ते पत्नीसह स्व:ता दुचाकी चालवत भुसावळ येथे उपचारार्थ गेले असतांना डॉक्टर मानवतकर यांच्या कडे प्राथमीक उपचार करण्यात आला.
नंतर ते गोदावरी हॉस्पीटल येथे दाखल झाले परंतु येथे उपचार सुरू असतांनाच त्यांना हृदयविकाराचा झटका आल्याने यात त्यांचे दुःखद निधन झाले. त्यांच्या पार्थिवावर बेटावद बु. येथे आज दि. ९ रोजी सायंकाळी अत्यंसंस्कार केले जाणार आहे .
वीर सुपुत्र स्व .प्रविण लोहार यांच्या पश्चात पत्नी दोन मुल आई – वडील एक लहान भाऊ असा परीवार आहे. प्रविण लोहार यांच्या दु: खद निधनाने बेटावद गावासह जामनेर तालुक्यात शोककळा पसरली आहे .जामनेर तालुक्यातील वीरपुत्र स्व. प्रविण लोहार यांना भावपुर्ण श्रद्धांजली
