जिल्हा परिषद शाळेतील विद्यार्थिनींना सँनिटरी पँडची सुविधा द्या राष्ट्रवादी युवती काँग्रेसचे ना. यशोमती ठाकूरांना साकडे

जळगांव(प्रतिनिधी)- जिल्हा परिषदेच्या शाळेतील विद्यार्थिनीनीच्या आरोग्याच्या दृष्टीने त्यांना  सँनिटरी पँड उपलब्ध करुन द्याव्यात, यामुळे ग्रामीण भागातील तरुणींना आरोग्य व स्वच्छता या दोन्हीचा लाभ घेता येईल, यासाठी राष्ट्रवादी युवती काँग्रेसतर्फे आज गुरुवार १२ मार्च रोजी महिला व बालकल्याण मंत्री ना. यशोमती ठाकूर यांना निवेदन देत साकडे घातले. राष्ट्रवादी युवती काँग्रेसतर्फे दिलेल्या निवेदनात म्हटले आहे की, राज्यात महिलांच्या समस्या वाढल्या आहेत. अँनेमीया, एचबी, स्तनांचा कॅन्सर, गर्भाशयाला गाठी, यासारख्या समस्या वाढल्या आहेत. ”प्रिकॉशन इज ऑलवेज बेटर दँन क्युर” या उक्ती प्रमाणे सँनिटरी नँपकीन पुरविण्याचे धाडसी पाऊल उचलत राज्यातील नाजूक कळ्यांना उमलण्याची उर्जा प्राप्त करुन द्यावी, अशी मागणी राष्ट्रवादी युवती काँग्रेसच्या वतीने करण्यात आली.