<
पाळधी/धरणगाव(प्रतिनीधी)- येथे पंचायत समिती सभापती यांच्या सभापती आपल्या दारी या उपक्रमाचे उद्घाटन जिल्हा परिषद सदस्य प्रतापराव पाटील यांच्या हस्ते झाले यावेळी बी डी ओ स्नेहा कुडचे यांनी या उपक्रमाचे संकल्पना विशद केली. कृषी अधिकारी अभिनव माळी पुरवठा विभागाचे घुले, गटशिक्षणाधिकारी बाविस्कर यासह इतर अधिकारी कर्मचारी तसेच सरपंच प्रकाश पाटील, चंदू पाटील, उपसरपंच अनिल कासट, चंदन कळमकर, उद्योजक दिलीप पाटील, आदींची उपस्थिती होती. यावेळी उपस्थित ग्रामस्थांन सोबत असलेले पत्रकार गोपाळ सोनवणे यांनी पाळधी गावातील नव्याने विस्तार झालेल्या विविध कॉलनी वसाहतींमधील गटार, रस्ते या बाबत रहिवाशांच्या समस्या सभापती मुकुंदराव नन्नवरे यांना सांगितली. यावर त्यांनी सकारात्मक प्रतिसाद देऊन सदर भागातील रस्ते व गटार नामदार गुलाबराव पाटील यांच्या मार्गदर्शनातून लवकरच करण्यात येणार असल्याचे सांगून उपस्थितांशी संवाद साधला. तसेच यावेळी अरविंद मानकरी, सुनील झंवर यांनी ही समस्या मांडल्या त्यावर अधिकाऱ्यांनी उत्तर देऊन नोंद घेतली. कार्यक्रमास माजी सरपंच अलीम देशमुख, अरुण पाटील, धर्मेंद्र कुंभार, प्रसाद शिंदे, युवासेनेचे आबा माळी, अनिल माळी, बबलू पाटील, कालू शेख, गोकुळ पाटील, गोकुळ नन्नवरे व इतर प्रतिष्ठित नागरिक ग्रामस्थ मोठ्या संख्येने उपस्थित होते.
