कासोदा ता.एरंडोल ( सागर शेलार ) – इयत्ता दहावी बोर्डाच्या परीक्षा सुरु आहेत. यामध्ये अनेक गैरप्रकार होत असल्याने कॉपी या प्रकारावर आळा बसावा यासाठी अनेक ठिकाणी भरारी पथक नेमण्यात आले आहेत. आज दि.१८ मार्च रोजी कासोदा येथे भरारी पथकाने कारवाई करून ५ विद्यार्थ्यांना डीबार केल्याची माहिती समोर आली आहे. येथे इयत्ता दहावीच्या परीक्षा सुरू असतांना , केंद्रातील उपकेंद्र हाजी एन .एम .सय्यद उर्दू हायस्कूलमध्ये पाच विद्यार्थी डिबार करण्यात आलेत. याबाबत सविस्तर वृत्त असे की , येथे दहावीचा विज्ञान २ चा पेपर सुरू असतांना डाएट भरारी पथकातील प्राचार्य डॉ.मंजुषा शिरसागर यांच्या भरारी पथकाने कारवाई केली.कासोदा केंद्रातील उपकेंद्र हाजी एन एम सय्यद उर्दू हायस्कूल येथील पाच विद्यार्थी डीबार करण्यात आले.
