विद्यार्थ्यांना मिळाले भविष्याचे धडे

जळगांव-(चेतन निंबोळकर)- तालुक्यातील पाळधी येथील नोबल इंटरनॅशनल स्कूल येथे दिनांक ३१ जुलै बुधवार रोजी पाळधी पोलिस स्टेशनचे पोलिस निरीक्षक श्री. एच.एल. गायकवाड साहेबांनी शाळेला भेट देऊन विद्यार्थांशी मनसोक्त गप्पा केल्यात.
शाळेच्या परंपरे नुसार आलेल्या पाहुण्यांना रोपटे आणि पुष्पगुच्छ देऊन सत्कार करण्यात आला. त्यानंतर शाळेच्या प्रांगणात गायकवाड साहेबांच्या हस्ते वृक्षारोपण करुन कार्यक्रमास सुरवात करण्यात आली. यात विद्यार्थ्यांनी “कर्तव्यदक्ष पोलीस” या आशयावर विविध भेटकार्ड देऊन त्यांचे अभिनंदन केले. त्यानंतर विद्यार्थ्यांनी विविध शैक्षणिक प्रात्यक्षिक सादर केली.
विद्यार्थांशी हितगुज करताना गायकवाड साहेबांनी भविष्यात प्रशासकीय सेवेबद्दल मार्गदर्शन करून त्यांना उज्वल भविष्यासाठी शुभेच्छा दिल्या.
कार्यक्रमाच्या अध्यक्षस्थानी शाळेच्या संचालिका सौ. अर्चना सुर्यवंशी मॅडम होत्या. त्यांनी विद्यार्थ्यांना विविध विषयांवर मार्गदर्शन केले. यावेळी, कार्यक्रमास श्री. प्रशांत सुर्यवंशी सर, मुख्याध्यापक योगेश करंदीकर तसेच शाळेचे शिक्षक शिक्षकेतर कर्मचारी उपस्थित होते.