श्री स्वामी समर्थ विद्यालयात शालेय पोषण आहाराचे वाटप

जळगांव(प्रतिनिधी)- तालुक्यातील कुसूंबा खुर्द येथील श्री स्वामी समर्थ प्राथमिक विद्यामंदिरात शिक्षण विभाग जि.प जळगांव याच्या आदेशान्वये आज रोजी सकाळी ८ ते ११ या वेळेत शालेय पोषण आहाराचे वितरण करण्यात आले. या वेळी जास्त गर्दी होऊ नये या साठी एका दिवसाला दोन वर्गाच्याच पालकांना बोलवण्यात आले. पालकांनी १ मिटर पेक्षा जास्त सुरक्षित अंतर राखत सोशल डिस्टनिंगचा नियम पाळला. याचे कौतुक ग.स.सोसायटी तथा संस्थाध्यक्ष मनोज पाटील यांनी केले. हिच शिस्त आपल्या गावात सार्वजनिक ठिकाणी दाखवा, लहान चिमुकल्याचे व जेष्ठ नागरिकांची जास्त काळजी घ्या असे आवाहन केले. यावेळी मुख्याध्यापिका प्रतिक्षा पाटील व शिक्षक वृंद उपस्थितित होते.