विरोदा(प्रतिनिधी)- सर्व जगात कोरोना विषाणूजन्य महामारी आजाराने थैमान घातले असून भारतात सर्व ठिकाणी लॉकडाऊन असून सुद्धा दिवसेंदिवस कोरोना विषाणूच्या संख्येत वाढ होत आहे, सर्व रूग्णांना डॉक्टर, नर्स, पोलिस अधिकारी, कर्मचारी, वीज कामगार, सफाई कामगार या सर्व मानवांनी पृथ्वीवर जणू देवरूपांने अवतार घेतला असून सर्वोतोपरी मदत करीत आहेत. या सर्वांच आपल्या समाजाला काही देणं लागतं, त्यांची मेहनत व अहोरात्र स्वतःचा जीव धोक्यात घालून कोरोनाशी लढा देऊन मानवांची सेवा करत आहेत. अशा देवरूपी अवतारासाठी एस.बी.हायस्कूल, चांगदेवचे कलाशिक्षक राजू साळी यांनी आपल्या कल्पकतेने कुंचल्याद्वारे पोस्टर कलर माध्यमातून सुंदर पैंटींग तयार करण्यात आली. असून सदर पैंटींग मध्ये डॉक्टर, नर्स, पोलिस, सफाई कामगार, वीज कामगार, इत्यादी दाखवण्यात आलेलें आहेत.”ऐ वतन कीं जान हैं, देश के सच्चे विर गौरव हैं, अभिमान हैं, ऐ सच्चे इन्सान हैं, भगवान हैं, हिंदुस्तान के”! जेंव्हा सर्व भारतीय घरी राहणार, तेव्हाच साखळी कोरोनाची तुटणार. अशी घोषवाक्य वापरण्यात आलेली असून राजू साळी यांनी जणू कोरोना विषाणूचा पैंटींगद्वारे जनजागृती करण्याचा संकल्प केलेला आहे. त्याचें या सामाजिक कार्याचे सर्वदूर कौतुक होत आहे. या सर्व पैंटींग विविध क्षेत्रातील मान्यवर अधिकाऱ्यांना भेट देण्याचा त्यांचा मानस आहे.
