१२ व १३ एप्रिल रोजी घेण्यात आलेल्या कोरोना संशयित १० व्यक्तींचे अहवाल निगेटिव्ह

जळगाव – (जिमाका) – शासकीय वैद्यकीय महाविद्यालय मध्ये दिनांक 12 एप्रिल व 13 एप्रिल रोजी घेण्यात आलेल्या कोरोना संशयित रूग्णापैकी 10 व्यक्तींचे तपासणी अहवाल प्राप्त झाले असून सर्वांचे तपासणी अहवाल निगेटिव्ह आले आहेत.

यामध्ये रविवारी मृत्यू झालेल्या 80 वर्षीय महिलेच्या व काल मृत्यू झालेल्या 62 वर्षीय महिलेच्या तपासणी अहवालाचा समावेश आहे.

उर्वरित संशयित रूग्णांचे अहवाल अद्याप प्राप्त झालेले नाही. अशी माहिती जिल्हा शल्य चिकित्सक डाॅ. एन. एस. चव्हाण यांनी दिली आहे.