<
कासोदा ता.एरंडोल ( सागर शेलार ) कोरोना या संसर्गजन्य साथरोगामुळे संपूर्ण भारतात लॉक डाऊन करण्यात आले.
कोरोनाच्या पार्श्वभूमीवर गांवातील हातावर पोट असलेल्यांना उपासमारी ची वेळ आली आहे . काही जण सतरंजी विक्रीचा धंदा करतात तर काही जण मोल मजुरी करतात . त्यांना बाहेर जावे लागते परंतु घरीच बसल्याने त्यांच्यावर उपासमारीची वेळ आली आहे अशा बिकट परिस्थितींना तोंड देण्यासाठी
येथील समाज बांधव व ब्ल्यू टायगर गृप तर्फे डॉ.बाबासाहेब आंबेडकर यांची जयंती साजरी केली नाही व जयंतीनिमित्त मागील वर्षी जयंती उत्सव साजरा केला होता. त्यातील उरलेल्या पैशांचे धान्य खरेदी करून समाजातील गरीब व हातावर पोट असलेल्यांना घरी जाऊन अध्यक्ष करण सोनवणे , उपाध्यक्ष अक्षय पानपाटील यांनी व , ब्ल्यू टायगर ग्रुप तर्फे धान्याचे वाटप केले. विशेष म्हणजे या कामी हिलाल खेडकर , वानखेडे गुरुजी , बापु सोनवणे , अडकमोल गुरुजी , कैलास समशेर , अजय बोदडे , सतीश सोनवणे , वेंडर साहेबराव पानपाटील , राहुल पानपाटील , सोनु मराठे यांनी परिश्रम घेतले.
