भाऊंच्या उद्यानात सोमवार पासून द्वितीय योगसाधाना अध्याय वर्ग

जळगाव दि.3 (प्रतिनिधी) – येथील भाऊंच्या उद्यानातील योगसाधना वर्ग केलेल्या व त्यानुसार नियमीत योगसाधना करणाऱ्या जुन्या साधकांसाठी सोमवार दि 5 ऑगस्ट पासून एक सप्ताहाचा योगसाधना व्दितिय अध्याय वर्ग सुरू होणार आहे. सकाळी 6:45 ते 7:45 या वेळेत नेहमीप्रमाणे हा वर्ग होणार आहे. जुन्या साधकांनी या सुवर्ण संधीचा लाभ घ्यावा असे आवाहन करण्यात आले आहे. नवीन साधकांसाठीचा वर्ग 16 ऑगस्ट पासून सुरू होईल. भवरलाल अण्ड कांताई फाउंडेशनव्दारा भाऊंच्या उद्यानात विनामूल्य चालणाऱ्या सर्व योगवर्गांना योगशिक्षक सुमाष जाखेटे यांचे उत्तम मार्गदर्शन मिळत असते.