विरोदा( किरण पाटील)- येथे भक्तिवेदांत अकॅडमी ऑफ सायंटिफिक एज्युकेशन (बेस), जळगाव या संस्थेमार्फत फैैैजपूूूर येथे गरजू लोकांना व गोरगरिबांना मास्क व जीवनावश्यक वस्तूंचे वाटप करण्यात आले. कोरोना च्या प्रादुर्भावामुळे सर्व जग यातना सहन करीत आहे. कोरोनाव्हायरस चा संसर्ग होऊ नये म्हणून सर्व प्रकारची खबरदारी घेतली जात आहे. लॉक डाऊन मध्ये घरी थांबा, अफवांना बळी पडू नका, शासनातर्फे सांगितल्याप्रमाणे नियमांचे पालन करा ही आग्रहाची विनंती भक्तिवेदांत अकॅडमी ऑफ सायंटिफिक एज्युकेशन (बेस) जळगाव तर्फे करण्यात आली. संस्थेचे अध्यक्ष हर्षल सैंदाणे यांच्या मार्गदर्शनाखाली जयेश सरोदे, प्रशांत पाटील, तेजस सापकर टेलर, दिलीप जैन यांनी परिश्रम घेतले.
