<
अमळनेर (प्रतिनिधी) – येथील प्रताप महाविद्यालयात शिक्षण घेत असलेल्या विद्यार्थी तथा विद्यार्थीनींना येत असलेल्या अडचणींसंदर्भात राष्ट्रवादी विद्यार्थी काँग्रेसच्या पदाधिकाऱ्यांनी शनिवारी प्रताप महाविद्यालयाच्या प्राचार्या सौ ज्योती राणे यांना निवेदन दिले. यात विद्यार्थ्यांना महाविद्यालयात येणाऱ्या विविध अडचणी त्यात पिण्याच्या पाण्याची स्वतंत्र व्यवस्था असेल, विद्यार्थिनींच्या सुरक्षिततेसाठी दामिणी पथक नेमण्यासंदर्भात असेल , महाविद्यालयीन निवडणूकि संदर्भात विद्यार्थ्यांना माहीती पुरविण्यासंबधीत असेल, विद्यार्थ्यांना महाविद्यालयातील उपक्रमांबाबतीत संदेश पाठवण्या संदर्भात असेल, ग्रामीण भागातील विद्यार्थ्यांना स्वतंत्र जेवणाची सोय करण्याबाबतीत असेल, विद्यार्थ्यांना स्वच्छ आणि सुलभ असे प्रसाधनग्रुह तथा शोचालय उपलब्ध करून देण्यासंदर्भात असेल अशा अनेक समस्या दूर करण्यासाठी सदरील निवेदन देण्यात आले. या समस्या लवकरच दुर न झाल्यास आंदोलनाचा इशारा यावेळी पदाधिकाऱ्यांकडुन देण्यात आला.यावेळी राष्ट्रवादी विद्यार्थी काँग्रेसचे जळगाव जिल्हाउपाध्यक्ष भुषण भदाणे, तालुकाध्यक्ष श्रीनाथ पाटील, शहराध्यक्ष सुनिल शिंपी, प्रशांत पवार, निनाद शिसोदे, गौरव पाटील, सनी गायकवाड, रोहीत पाटील, अनिरुद्ध शिसोदे, भावेश पाटील, शुभम देसले, आर्यन मोरे, पार्थ पाटील, अंकित पाटील, तेजस वानखेडे, शेषनाग बागुल आदी कार्यकर्ते उपस्थित होते.
