जळगाव –(प्रतिनिधी) – कालिंका माता चौकाजवळील महामार्गावर भरधाव वेगाने जाणार्या ट्रकने धडक दिल्यामुळे मोटारसायकलवरील महिला जागीच ठार झाल्याची दुर्दैवी घटना आज सायंकाळी घडली ही महिला जळगावातील उस्मानिया पार्क परिसरातील रहिवाशी असून महानगर पालिकेत नोकरीला असल्याचे कळते.
मोटारसायकलवर तिच्यासोबत तिचा पती व लहान मुलगी असल्याचे सांगणयात येते. या अपघाताबाबत कळताच एमआयडीसी पालीस ठाण्याचे निरीक्षक विठ्ठल ससे, सहाय्यक फौजदार आनंदसिंग पाटील, गोविंदा पाटील, आसीम तडवी, नीलेश पाटील, मुदस्सर काजी, भूषण सोनार आदींनी घटनास्थळी धाव घेतली.
पोलिसांनी ट्रक चालकास ताब्यात घेतल. हा ट्रक अपघातानंतर पुढे काही अंतरावर निघून गेला होता. तो नशिराबाद येथील सिमेंट फॅक्टरीमध्ये सिमेंट भरण्यासाठी जात होता.
