मुंबई – (प्रतिनिधी)
राज्यात दहीहंडीच्या निमित्ताने सार्वजनिक सुटी जाहीर करण्यात आली असून, नुकतेच यासंबंधीचे परिपत्रक जारी झालेले आहे.
मिळालेल्या माहितीनुसार, एकनाथ शिंदे गटाचे आमदार प्रताप सरनाईक यांनी काही दिवसांपूर्वीच राज्यात दहीहंडीच्या दिवशी सार्वजनिक सुट्टीची मागणी केली होती. याबाबत राज्याचे मुख्यमंत्री एकनाथ शिंदे यांनी होकार देत आज परिपत्रक जारी केले आहे. सदर परिपत्रकानुसार येत्या १९ ऑगस्ट रोजी राज्यात सार्वजनिक सुटी असणार आहे.
दहीहंडी आणि गणेशोत्सव हे सण साजरे करण्यासाठी मंडळांना लवकरात लवकर परवाने मिळावेत, म्हणून राज्य सरकारने ‘एक खिडकी योजना’ सुरु केली आहे. त्याचबरोबर प्रशासनाला मंडप व इतर परवानग्या ऑनलाइन पद्धतीने देण्याच्या व याकरिता ‘एक खिडकी योजना सुरू करण्याच्या सूचनांबरोबरच कोठेही किचकट अटी नकोत, असे निर्देशही दिलेले आहेत.
