जळगाव – (प्रतिनिधी)
शहरातील नेहरू चौक येथील श्री नेहरू चौक बहुउद्देशीय मित्र मंडळातर्फे ‘जळगावच्या राजा’ चा पाटपूजन व मंडप सोहळ्याचे आयोजन करण्यात आले असून, सदर सोहळा दि.३१ जुलै २०२२ रोजी मनपा इमारतीखाली आयोजित केला गेला आहे.
सालाबादप्रमाणे यावर्षीही श्री नेहरू चौक मित्र मंडळाकडून ‘जळगावचा राजा’ श्री गणपतीचे पाटपूजन व मंडप सोहळ्यात नीरज अग्रवाल हे सपत्नीक पाटपूजन करतील तसेच या शुभ प्रसंगी ढोल पथकाचे आकर्षक सादरीकरणही करण्यात येणार आहे. त्याचबरोबर हा सोहळा अधिक मनोहारी करण्यासाठी नेहरू चौक परिसर रांगोळी व फुलांनी सुशोभित करण्यात येईल. यावेळी अनेक भाविक पारंपारिक वेशभूषामध्ये उपस्थिती देणार आहेत.
तरी, सर्व नागरिकांनी व भाविकांनी सायंकाळी ५ वाजता महानगरपालिकेच्या इमारतीखाली वेळेवर उपस्थिती द्यावी, असे आवाहन मंडळाचे अध्यक्ष अजय गांधी व मंडळातर्फे करण्यात आले आहे.
