जळगांव(प्रतिनिधी)- विविध सामाजिक संघटनामध्ये सक्रिय असलेले सामाजिक कार्यकर्ते अमोल अशोक कोल्हे यांची अखिल भारतीय लेवा पाटीदार युवक महासंघाच्या जिल्हा कार्यध्यक्षपदी व मेहरूण येथील सामाजिक कार्यकर्ते अतुल सुरेश महाजन यांची महानगराध्यक्ष पदी नियुक्ती करण्यात आली आहे. अखिल भारतीय लेवा पाटीदार युवक महासंघाचे प्रदेशाध्यक्ष प्रदीप भोळे यांनी नियुक्ती पत्र देऊन निवड केली. सदर निवडीबद्दल केंद्रीय अध्यक्ष ऍड. प्रकाशराव व्ही. पाटील, कार्यध्यक्ष अजय भोळे, उपाध्यक्ष राजेश चौधरी, सचिव नितीन भोगे, परेश कोल्हे, परीक्षित बऱ्हाटे, नितीन धांडे, लेवा पाटीदार जेष्ठ नागरिक संघांचे अध्यक्ष आर.एस.सावदेकर, बहिणाबाई ब्रिगेडच्या प्रदेशाध्यक्ष आशा कोल्हे, राजेंद्र चौधरी, गोपाळ खडके, निखिल रडे, सुनीता लोखंडे, हर्षा बोरोले व महासंघाच्या इतर पदाधिकाऱ्यांनी दोन्ही नवनियुक्त पदाधिकाऱ्यांचे अभिनंदन केले.
