कढोली – (प्रतिनिधी) – स्वातंत्र्याच्या अमृत महोत्सवानिमित्त क. ब. उ. म. वि. समाज कार्य विभाग व नेहरू युवा केंद्र, जळगाव यांच्या संयुक्त विद्यमाने एरंडोल तालुक्यातील कढोली गावातील परीसरात दिनांक 2 नोव्हेंबर रोजी सरदार वल्लभभाई पटेल यांच्या जयंती निमित्त व स्वच्छता अभियान 2.0 या अभियानाच्या समारोप निमित्त कार्यक्रमाचे आयोजन करण्यात आले. या कार्यक्रमा अंतर्गत गावातील परीसरात युवक व ग्रामस्थांच्या माध्यमातून स्वच्छता करण्यात आली. तसेच गोळा केलेल्या कचऱ्याची योग्य पद्धतीने विल्हेवाट लावण्यात आली.
या प्रसंगी ग्रामसेवक श्री. पंकज पाटील, श्री. ईश्वर कोळी, श्रीमती ज्योती कोळी, मा.उपसरपंच भूषण भोई,ग्रामपंचायत लिपिक सुरेश बडगुजर व स्वच्छता कर्मचारी रविंद्र भाऊ आदी उपस्थित होते.तसेच समाजकार्य विभाग प्रमुख प्रा.डॉ. दिपक सोनवणे, प्रा श्री.विनेश पावरा योगेश माळी सुभाष पाटील किरण पवार, दिशा ढगे, भारती पावरा, मेरसिंग पावरा, जितेंद्र शिरसागर, भिमसिंग वसावे व नेहरू युवा केंद्राचे समन्वयक मुकेश भालेराव आदि उपस्थित होते.
