प्रतिनिधी रावेर तालुक्यातील मोठे वाघोदा रावेर येथील रहिवासी पत्रकार तथा कवी व सामाजिक क्षेत्रात अग्रेसर असलेले कमलाकर माळी यांना काल रविवार रोजी नाशिक येथे योग दिनाच्या निमित्ताने कालिदास कलामंदीराच्या सभागृहात समाजात उल्लेखनीय कार्य केल्याबद्दल दर्पणकार बाळशास्त्री जांभेकर समाज गौरव पुरस्कार सन्मानचिन्ह शाल श्रीफळ भेट देऊन गौरव करण्यात आला त्यांनी आतापर्यंत गावात मोफत नेत्र शिबीर रक्तदान शिबिर गाव फलक ग्रामस्थांसाठी स्वखर्चाने मोफत वाचनालयची सोय.
कोवीड मध्ये मोफत मास्क वाटप तसेच व्हाट्सअप ग्रुप च्या माध्यमातुन उपक्रम राबवत असतात अशा विविध सामाजिक कार्यामुळे त्यांची या पुरस्कारासाठी निवड नाशिक येथील पत्रकार संघातर्फे पुरस्कारासाठी निवड झाली त्यावेळी पुरस्कारांचे वितरण करण्यात आले.सन्मानचिन्ह व सन्मानपत्र असे पुरस्कारांचे स्वरुप होते. यावेळी कामगार नेते संतोष जाधव, सामाजिक कार्यकर्त्या सुवर्णा कोठावदे, पर्यटन उद्योजक शबनम खान, योग पंडित डॉ. पूनम बिरारी, महाराष्ट्र राज्य बालहक्क संरक्षण आयोगाच्या सदस्य सायली पालखेडकर, प्रज्ञा कांबळे, वासुदेव काळे आदी उपस्थित होते. दर्पणकार बाळशास्त्री जांभेकर पत्रकार संघाचे अध्यक्ष महेंद्र देशपांडे यांनी-प्रास्ताविक करताना संस्थेची माहिती दिली.पुरस्कार मिळाल्याबद्दल कमलाकर माळी यांचे सर्वत्र कौतुक होत आहे.
