पाचोरा(प्रतिनिधी)- कृषी पदवीधर युवाशक्ती संघटनेच्या जळगाव जिल्ह्यातील पाचोरा तालुक्याची आज कार्यकारिणी जाहीर करण्यात आली.
यात बांबरुड(राणिचे) येथील युवा आदर्श शेतकरी मयुर अरुण वाघ यांची संघटनेच्या पाचोरा तालुका कार्याध्यक्षपदी निवड करण्यात आली. मयूर वाघ यांची काम करण्याची पद्धत, शेती विषयी असलेली तळमळ, शेतीला आधुनिकतेची जोड देऊन कमी खर्चात जास्त उत्पन्न घेणारे एक उपक्रमशील युवा शेतकरी म्हणून त्यांची ख्याती आहे. संघटनेचे संस्थापक अध्यक्ष जयदीप ननावरे यांच्या आदेशाने तसेच कार्याध्यक्ष प्रविण भैय्या आजबे, राज्य संघटक श्रीकांतजी राजपूत, उत्तर महाराष्ट्र प्रदेशाध्यक्ष निखिल दादा पाटील, उत्तर महाराष्ट्र निरीक्षक अमोलजी बिडे यांच्या मार्गदर्शनाने व प्रल्हाद दादा वाघ यांच्या अध्यक्षतेखाली निवड करण्यात आली. त्यांच्या या निवडीबद्दल पंचक्रोशीतील शेतकऱ्यांसह ग्रामस्थांनी अभिनंदन करुन कौतुक केले.
