कासोदा ता.एरंडोल-( सागर शेलार )- जळगाव येथील निकम फाउंडेशन तर्फे मोफत पोलीस व सैन्य दलात सेवा देण्याची इच्छा बाळगणाऱ्या तरुण व तरुणींकरिता एरंडोल तालुक्यालातील खेडी कोडोली येथे सराव मैदान तयार करण्यात येत असून , येथे दोन महिन्याचे मैदानी प्रशिक्षण विनामूल्य देण्यात येणार आहे.
जेवण व राहण्याचा नाम मात्र खर्च प्रशिक्षणार्थी कडून घेतला जाणार आहे.खेडी कडोली ग्रामपंचायतीने प्रशिक्षणाकरिता जागा उपलब्ध करून दिलेली असून निकम फाऊंडेशनने सदर जागा सरावा योग्य केली आहे.एरंडोल व धरणगाव तालुक्यातील तरुण व तरुणी यांना पहिले प्राधान्य दिले जाईल. तसेच प्रशिक्षणाची सोय करून दिली आहे.जिल्ह्याच्या ठिकाणी जाणे परवडत नाही म्हणून ग्रामीण भागातील तरुणांनी याचा लाभ घ्यावा असे आवाहन निकम फाउंडेशनचे अध्यक्ष राजेंद्र निकम यांनी बोलतांना सांगीतले आहे.
