जळगाव – (प्रतिनिधी) – जिल्हाधिकारी अभिजित राऊत यांच्या आदेशानुसार जामनेर शहरासह संपूर्ण तालुक्यात माझे कुटुंब माझी जबाबदारी या धर्तीवर “कोव्हिडं संशयित रुग्ण शोध मोहीम राबवली जाणार असल्याचे तहसीलदार अरुण शेवाळे यांनी सांगितले.
तहसीलदार कार्यालय जामनेर येथे याबाबत आज तातडीची सभा घेण्यात आली. शोध मोहिमेच्या टीम मध्ये शिक्षक, अंगणवाडी सेविका, मदतनीस, आशा स्वयंसेविका, ग्रामपंचायत कर्मचारी,नगरपालिका कर्मचारी यांचा सहभाग राहणार आहे. ग्रामीण भागात ग्रामसेवक, सरपंच, पोलिस पाटील हे तर शहरी भागात,नगरपालिका, नगरसेवक, नगराध्यक्ष व स्वयंसेवी संस्था सदर मोहिमेसाठी टीम मधील सदस्यांना मदत करणार आहेत. जलद सर्वेक्षणाच्या आधारावर टीम कडुन घरोघरी जाऊन संशयित कोव्हिडं रुग्ण शोधून तात्काळ त्यांची कोव्हिडं टेस्ट करण्यात येणार आहे.
जामनेर येथे 20 टीम शेंदूर्णी येथे 8 टीम तर उर्वरित तालुक्यात 312 टीमची नेमणूक तहसीलदार यांच्या आदेशाने करण्यात आली आहे. तरी नागरिकांनी मोहिमेस सहकार्य करावे असे आवाहन प्रशासनाकडून करण्यात आले.
सदर प्रसंगी जागतिक क्षयरोग दिनानिमित्त तालुका वैद्यकीय अधिकारी डॉ. राजेश सोनवणे यांनी उपस्तितांना क्षयरोगाबद्दल माहिती दिली तसेच मास्क चे वाटप करण्यात आहे व कोव्हिडं संशयित रुग्ण शोध मोहिमेचा शुभारंभ करण्यात आला.
कर्यक्रम प्रसंगी गटविकास अधिकारी जे.व्ही.कवळदेवी, मुख्याधिकारी नगरपालिका जामनेर राहुल पाटील,मुख्याधिकारी शेंदूर्णी साजित पिंजारी, बालविकास प्रकल्प अधिकारी आय.सी.गोयल, गटशिक्षणाधिकारी विजय सरोदे, अंगणवाडी पर्यवेक्षिका शीला पाटील हे उपस्तीत होते.
