जळगांव(प्रतिनिधी)- भारतरत्न डॉ. बाबासाहेब आंबेडकर यांचे निवास्थान या या देशातील कोट्यवधी जनतेचे प्रेरणास्थान तथा आदर्श आहे. अशा प्रेरणादायी वास्तूची तोडफोड करुन राज्यात अशांतता व अराजकता माजवण्याचा हा समाजकंटकांचा डाव आहे. अशा या समाजकंटकांमुळे राज्यात कायदा धोक्यात येऊन अशांतता येऊ शकते या अनुषंगाने आज रोजी डॉ. बाबासाहेब आंबेडकर सार्वजनिक उत्सव समिती मार्फत बाबासाहेबांचे निवासस्थान असलेल्या “राजगृहावर ” झालेल्या भ्याड हल्याचा निषेध व्यक्त करून या घटनेला जबाबदार असणाऱ्या समाजकंटकांवर कठोर कारवाई करण्यात यावी अशी मागणी करणारे निवेदन जिल्हाधिकारी यांना निवेदन देण्यात आले. निवेदन देतांना समितीचे अध्यक्ष मुकुंद सपकाळे, कार्याध्यक्ष अमोल कोल्हे, दिलीप सपकाळे, भारत ससाणे, चंदन बिऱ्हाडे, भारत सोनवणे उपस्थित होते.
