जळगांव – (प्रतिनीधी) – केसीई सोसायटी संचालित गुरुवर्य प.वि.पाटील प्राथमिक विद्यामंदिर जळगाव येथे विविध उपक्रमांनी महात्मा गांधी तसेच लाल बहादूर शास्त्री जयंती मोठ्या उत्साहात साजरी करण्यात आली. पूर्ण आठवडा नई तालीम सप्ताह म्हणून साजरा करण्यात आला.तसेच सप्ताहाची सांगता वक्तृत्व स्पर्धा व शालेय स्वच्छता अभियानाने करण्यात आली.
सर्वप्रथम शाळेचे कर्तव्यनिष्ठ शिपाई सुधीर वाणी यांच्या हस्ते महात्मा गांधी व लाल बहादूर शास्त्री यांच्या प्रतिमेला पुष्पहार अर्पण करून कार्यक्रमाची सुरुवात करण्यात आली.त्यांनतर वक्तृत्व स्पर्धा आयोजित करण्यात आली.सदर स्पर्धेत इयत्ता 3री च्या गटातून रुद्र पाटील (प्रथम) ,संस्कृती खैरनार (द्वितीय) ,हर्ष शिंपी (तृतीय) तर इयत्ता 4थी च्या गटात रोहित पाटील (प्रथम) ,भूमिका चौधरी (द्वितीय) तर अभिषेक बारेला (तृतीय) क्रमांक मिळवला.
त्यानंतर सर्व शिक्षक तसेच शिक्षकेतर कर्मचारी यांनी शालेय परिसराची स्वच्छता केली. प्रसंगी मुख्या.रेखा पाटील ,उपशिक्षक योगेश भालेराव , सुजाता फालक , सूर्यकांत पाटील , इंदू चौधरी चित्रलेखा गुरव कल्पना तायडे आदी शिक्षक शिक्षकेतर कर्मचारी उपस्थित होते.
