दर्पणकार बाळशास्त्री जांभेकर पत्रकार संस्थेतर्फे सन्मान; ८ सप्टेंबर रोजी नाशिक येथे पुरस्कार वितरण
जळगाव – (प्रतिनिधी) – लोकसेवक मधुकरराव चौधरी समाजकार्य महाविद्यालय, जळगाव येथील प्रा. डॉ. शाम दामू सोनवणे यांना शैक्षणिक क्षेत्रातील उल्लेखनीय कार्याबद्दल दर्पणकार बाळशास्त्री जांभेकर पत्रकार संस्था (संघ) यांच्यातर्फे ‘राष्ट्रीय ज्ञानभास्कर पुरस्कार’ जाहीर करण्यात आला आहे. त्यांच्या शैक्षणिक क्षेत्रातील योगदानाची दखल घेऊन हा पुरस्कार प्रदान करण्यात येणार आहे.
प्रा. डॉ. शाम सोनवणे हे समाजकार्य शिक्षण क्षेत्रात कार्यरत असून, विद्यार्थ्यांना गुणवत्तापूर्ण शिक्षण देण्याबरोबरच शैक्षणिक व सामाजिक क्षेत्रातही त्यांनी उल्लेखनीय योगदान दिले आहे. त्यांच्या कार्याची दखल घेत संस्थेने त्यांची या प्रतिष्ठित पुरस्कारासाठी निवड केली आहे.
पुरस्कार वितरण समारंभ मंगळवार, दि. ८ सप्टेंबर २०२६ रोजी नाशिक येथे आयोजित करण्यात आला आहे. या समारंभास उपस्थित राहून पुरस्कार स्वीकारावा, अशी विनंती संस्थेचे राष्ट्रीय अध्यक्ष डॉ. महेंद्र देशमुख यांनी केली आहे.
प्रा. डॉ. शाम सोनवणे यांना मिळालेल्या या सन्मानाबद्दल शैक्षणिक, सामाजिक व विविध क्षेत्रांतून त्यांच्यावर अभिनंदनाचा वर्षाव होत आहे. त्यांच्या या यशामुळे लोकसेवक मधुकरराव चौधरी समाजकार्य महाविद्यालयाच्या शैक्षणिक कार्याला आणि जळगावच्या शैक्षणिक क्षेत्राला विशेष गौरव प्राप्त झाला आहे.
