मुक्ताईनगर – भाजपात सुरू असलेल्या राजकीय नेत्यांच्या मेगाभरतीवरून भाजपचे ज्येष्ठ नेते एकनाथराव खडसे यांनी मुख्यमंत्री देवेंद्र फडणवीस यांना घरचा आहेर दिला आहे. भाजपात प्रवेश करणार्या नेत्यांना सत्तेची ऊब हवीय म्हणून ते भाजपात येत आहेत. मुख्यमंत्र्यांकडे वॉशिंग पावडर आहे. ते अशा नेत्यांना धुवून घेतात.
पक्षात आल्यानंतर क्लिन चिट देतात मग ते कामाला लागतात, अशा शेलक्या शब्दांत खडसे यांनी मुख्यमंत्र्यांवर निशाना साधला आहे. मुख्यमंत्री म्हणतात आमच्याकडे वॉशिंग मशीन आहे. आम्ही त्यांना स्वच्छ करून घेतो. पक्षात घेतल्यानंतर त्यांना क्लिन चिट दिली जाते आणि त्यानंतर ते आपल्या कामाला लागतात. आमचा पक्ष पार्टी विथ डिफरन्स आहे, असा मुख्यमंत्र्यांना विश्वास आहे, असे खडसे म्हणाले.
