मुलुंड : शेखर चंद्रकांत भोसले
मुलुंड पूर्वेतील मुलुंड सागर प्रसाद सोसायटी, गव्हाणपाडा येथे मुंबई काँग्रेस आणि एमसीएचआय-बीजेएस यांच्या संयुक्त विद्यमाने मोफत वैद्यकीय शिबिर रविवार दि १४ मे रोजी सकाळी १० ते ३ वाजेपर्यंत आयोजिण्यात आले होते.
या वैद्यकीय शिबिरात सर्दी, ताप, खोकला, त्वचेचे आजार, अंगदुखी, इत्यादी आजारांसंबंधित मोफत तपासणी करण्यात आली तसेच मोफत औषधे देण्यात आली. लहान मुलांचे साथीचे आजार यावर तज्ञ डॉक्टरांचा मोफत सल्ला व औषध देखील देण्यात आले. थर्मल टेंपरेचर मशीन द्वारे नागरिकांची मोफत चाचणी यावेळी करण्यात येत होती. एकूण २५० नागरिकांनी या मोफत आरोग्य शिबिराचा लाभ घेतला.
या शिबिराच्या आयोजनासाठी मुंबई कॉंग्रेस पक्षाचे उपक्रम समन्वयक राजेश इंगळे, उपक्रम संयोजक कैलास पाटील, श्रीकृष्ण काणेकर आणि उपक्रम संचालक संतोष गावकर यांच्या नेतृत्वाखाली राजन भोसले, विनोद तूलालवार, अविनाश मांडे, सतेज चिखलकर, प्रदीप नलावडे, राजेश सावंत तसेच कॉंग्रेसच्या इतर अनेक कार्यकर्त्यांनी विशेष मेहनत घेतली.
