मुलुंड : शेखर चंद्रकांत भोसले
मुलुंड पूर्व येथील मुलुंड जिमखाना येथे आज दि १७ मे रोजी टाटा मेमोरीअल हॉस्पिटलच्या संयुक्त विद्यमाने रक्तदान शिबिराचे आयोजन करण्यात आले होते. सारे जग कोविड – १९ आजाराशी लढत असताना रुग्णालये व रक्तपेढीत रक्ताचा तुटवडा भासत होता त्यामुळे राज्य सरकारतर्फे सामाजिक संस्थांना रक्तदान शिबिराचे आयोजन करण्याचे आवाहन केले होते, त्याच अनुषंगाने मुलुंड जिमखान्याच्या वतीने रक्तदान शिबीर घेण्यात आले. सदर उपक्रम राबवत असते वेळी सोशल डीस्टसिंग तसेच टाटा मेमोरिअल हॉस्पिटलकडून मार्गदर्शित केलेल्या नियमांचे पालन काटेकोरपणे करण्यात येत होते.
या उपक्रमास मुलुंडकरांनी प्रतिसाद देत रक्तदान केले व त्यामुळे सुमारे १७० बाटल्या रक्त जमा झाले. मुलुंड जिमखान्याच्या वतीने आयोजित करण्यात आलेल्या या सामाजिक उपक्रमास टाटा मेमोरीअल हॉस्पिटलचे डॉक्टर्स व कर्मचारी वर्गाने प्रचंड सहकार्य केले. या प्रसंगी मुलुंड जिमखान्यातर्फे अध्यक्ष चेतन साळवी, प्रकाश पाटील, अमेय कुरडरकर, अनुपम जोशी, दिपक सावंत, नितीन शुक्ल, सौरभ साळवी , बाळासाहेब शिंदे, कैलास कासार, शाम वागळे, अशुतोष साळवेकर, मंदार बापट व नव युवा मंच या संस्थेचे सदस्य व इतर मान्यवर उपस्थित होते..
