जळगाव – (प्रतिनिधी) – कोविड च्या महामारीत कलेवर पोट असणा-या व कलेशिवाय उदरनिर्वाह चे कुठलेच साधन नसलेल्या लोककलावंना आर्थिक मदत करण्याच्या उद्देशाने शासन विविध स्तरावर विचार करत आहे त्या अनुषंगाने लोककलावंता द्वारे कोरोना विषयक जनजागृती करून त्याला आर्थिक मदत करण्यासाठी महाराष्ट्र शासनाच्या सांस्कृतिक कार्य संचालनालयाने राज्य स्तरावर लोककलावंत निवड समिती ची स्थापना केली आहे.
यात राज्यभरातून लोककलेच्या क्षेत्रातील आभ्यासक, तज्ञ, व लोककलावंता चा या समितीत समावेश केला आहे त्यात जळगाव चे प्रसिद्ध लोकनाट्य कलावंत खान्देश लोककलावंत विकास परिषदेचे अध्यक्ष विनोद ढगे यांची सद्स पदी निवड केली आहे ,जळगाव सह धुळे नंदुरबार, नासिक, नगर या जिल्ह्यातील लोककलावंताची निवड व पडताळणी करून शासणाच्या या मदती पासुन कुठलाही लोककलावं वंचीत रहाणार नाही यांची दक्षता घेतली जाणार आहे.
कोविडच्या या महामारीत गेली दिड वर्ष राज्यातील विविध लोककला क्षेत्रातील कलावंताना अत्यंत हलाखीची जिवन जगत आहे… या साठी शासन स्तरावरून लोककलावंता च्या मदतीसाठी विविध उपाय योजना आखत आहे.राज्यातील प्रत्येक जिल्ह्यात त्या जिल्ह्यातील कलावंच्या संख्ये नुसार प्रत्येक कलावंताला रू पाच हजार रुपयांची कोवीड जनजागृती कार्यक्रमाच्या माध्यमातून मदत दिली जाणार आहे.
जिल्हयातील जे कलावंत या जनजागृती कार्यक्रमात सहभाग घेऊ इच्छितात त्या कलावंतानी त्वरीत आपली नावे समिती सदस्य कडे नोदंवावी असे अवाहन सांस्कृतिक कार्य संचालनालयाने कळविले आहे.
