जळगाव ;-रामेशवर कॉलनीतील सप्तशृंगी कॉलनी येथे नवरा बायकोचे भांडण सोडविणाऱ्या व्यक्तिचा कटरने खून करणारा आरोपी पती हा स्वताहून आज एमआयडीसी पोलीस ठाण्यात हजर होऊन त्याने खुनाची कबुली दिली आहे . आरोपी गणेश सखाराम भंडारे असे खून करणाऱ्याचे नाव आहे.
याबाबत सूत्रांनी दिलेली माहिती अशी कि सप्तशृंगी नगरात गणेश भंडारे हा आपली पत्नी भारतीसह येथे भाड्याने राहत होता . मात्र त्याला दारूचे व्यसन असल्याने तो रोज बायकोशी भांडण करायचा . गुरुवार २५ रोजी त्याने रात्री १० वाजेच्या सुमारास बायको भारतीसह भांडण करून बेदम मारहाण करायला सुरुवात केली . तिने आरडाओरडा करताच शेजारी राहणाऱ्या योगेश ज्ञानेश्वर जंगले वय ३७ यांनी दोघांचे भांडण सोडविण्याचा प्रयत्न केला . मात्र डोक्यात सैतान घुसलेल्या गणेशने योगेश जंगले यांना चिडत जाऊन छातीवर बांधकामाला लागणारे कटरने योगेश यांच्या छातीत जोरदार प्रहार करीत त्यांना रस्त्यात खाली पाडून तो पसार झाला . यात येवगेश यांचा अति रक्तस्त्रावाने मृत्यू झाला . तेव्हापासून गणेश हा फरार होता . मात्र आज दुपारी १२ वाजता त्याने एमआयडीपोलीस स्टेशन गाठत स्वतःहून हजर होत खुनाची कबुली दिली . याबाबत त्याची पोलीस अधिकारी चौकशी करीत आहे.
