वावडदा/जळगाव(प्रतिनीधी)- येथील अंगणवाडीत आज रोजी ग्राम आरोग्य पोषण दिनानिमित्त अंगणवाडीतील लहान बाळांना लसीकरण देण्यात आले. यावेळी आरोग्य सेवक एस आर पिंजारी यांनी १९ जानेवारी २०२० रोजी प्लस पोलिओ लसीकरण मोहीम असल्याने घरातील लहान मुलांना डोस पाजण्याचे आव्हान केले. तसेच त्यांनी पोषण आहाराविषयी माहिती देऊन मार्गदर्शन केले. साथीच्या रोगा विषयी उपाययोजना सांगितल्या. यामध्ये आरोग्य विभागामार्फत वेगवेगळ्या योजना, मोहीम याविषयी माहिती येथे जमलेल्या पालकांना दिली. यावेळी आरोग्य सेविका एस ए सपकाळ, आरोग्य सेवक एस आर पिंजारी, सुमित पाटील, आशा वर्कर अनिता धनगर अंगणवाडी सेविका प्रतिभा शिंपी, मीना पवार आदी उपस्थित होते.
