जळगांव( प्रतिनिधि): विद्यावर्धिनी शिक्षण संस्था जळगाव प्रत्येक वर्षी आपल्या संस्थेतील मुख्याध्यापक, शिक्षक व शिक्षकेतर कर्मचारी तसेच गुणवंत विद्यार्थी यांचे कौतुक करण्यासाठी व त्यांच्या पाठीवर शाबसकीची थाप म्हणून प्रत्येक वर्षी गौरव सोहळ्याचे आयोजन करत असते. यात वर्षभरात शिक्षकच्या विशेष कामांचा विद्यार्थ्यांसाठी राबविलेल्या उपक्रमांचा अशा विविध गोष्टींचे निकष लावून.प्रत्येकाला आपापले प्रस्ताव सादर करण्यास आवाहन करत असतात. यात सर्व कर्मचारी आपापल्या परीने व आपण केलेल्या विशेष कामाचा उल्लेख करून प्रस्ताव तयार करून सादर करत असतात. यावर्षी सुद्धा याच पद्धतीने प्रस्ताव सादर करावयाचे आवाहन संस्थेतील कर्मचाऱ्यांना संस्थेने केले होते. यात संस्थेचे चेअरमन प्रेमचंदजी ओसवाल,अध्यक्षा मंगलाताई दुनाखे व सचिव सचिन दुनाखे यानी याप्रस्तावांची पडताळनी करून प्रगती विद्यामंदिर शाळेचे शिक्षक मनोज भालेराव यांच्या प्रस्तावाचा विचार करून त्यांना संस्थेतील सर्वोत्कृष्ट शिक्षक म्हणून सन्मानित केले.मनोज भालेराव यांना या अगोदरही विविध सामाजिक संस्थानकडून राज्यस्तरीय व राष्ट्रस्तरीय पुरस्कारांनी सन्मानित करण्यात आले आहे.
