जळगांव(प्रतिनिधी)- अगदी आपल्या नावानुरूप कार्य करत असलेली संस्था म्हणजे सामाजिक बांधिलकी संस्था ही संस्था नालासोपाऱ्यात सातत्याने सामाजिक हित जपत प्रामुख्याने शैक्षणिक, सामाजिक, आरोग्य विषयक मदत गरजूंपर्यंत पोहोचविण्यासाठी प्रयत्नशील आहे.
तळ कोकणातील वेंगुर्ला तालुक्यातील आडेली भटवाडी पूर्ण प्राथमिक शाळा विद्यार्थी पटसंख्या २५ आणि आडेली खुटवळवाडी पूर्ण प्राथमिक शाळा पटसंख्या ४५ या दोन्ही शाळेतील मुलांना सामाजिक बांधिलकी संस्थेच्या वतीने वह्या वाटप करण्यात आल्या. यावेळी आडेली भटवाडी शाळा मुख्याध्यापक जयंत वजराटकर तसेच आडेली खुटवळवाडी शाळा मुख्याध्यापिका गीता ठाकूर यांनी शाळेतर्फे संस्थेचे आभार मानले. प्रसंगी संस्थेचे सभासद सुनील सोनसुरकर, तसेच भाई पेडणेकर यांनी मोलाची मदत केली.
