जामनेर – (प्रतिनिधी) – जिल्हाधिकारी अभिजित राऊत यांच्या सुचनेप्रमाणे खाजगी आस्थापणाच्या ठिकाणी जिल्हा आरोग्य अधिकारी डॉ. भीमशंकर जमादार, तहसीलदार अरुण शेवाळे व गटविकास अधिकारी जे.व्ही.कवळदेवी यांच्या आदेशानुसार आज सुप्रीम कंपनी गाडेगाव तालुका जामनेर येथे कोरोना कँप घेण्यात आला.
आज कंपनीत एकूण ५०० टेस्ट करण्यात आल्या यापैकी ४ कर्मचारी हे पाँझिटिव्ह आले.
सदरप्रसंगी डॉ. सारीका भोळे , सुप्रिम कंपनी चे प्रभूदेसाई ,डॉ. नामदेव पाटील,आरोग्य सहाय्यक एस .एस .बाविस्कर,आरोग्य सेवक राजु पवार, विजू पवार,संदीप सावकारे,
विक्रम राजपूत, गणेश पाटील,आरोग्य सेविका सुजाता सोनवणे, अनिता सुरवाडे हे उपस्थित होते.मा. जिल्हा शल्य चिकित्सक डॉ.एन.एस. चव्हाण यांच्याकडून रॅपिड अँटीजन किट उपलब्ध झाल्यावर पुढील तीन दिवसात कम्पनीतील सर्व कर्मचाऱ्यांची चाचणी पूर्ण करण्यात येणार असल्याची माहिती तालुका वैद्यकीय अधिकारी डॉ.राजेश सोनवणे यांनी दिली.
