कळंब, प्रतिनिधी :- उस्मानाबाद जिल्ह्यात रुग्णांची संख्या वाढतच जात असल्याने खळबळ उडाली आहे तर शिराढोण आता कोरोनाचे हॉटस्पॉट बनत आहे.जिल्ह्यात आज नवीन सहा रुग्ण आढळले असून 4 रुग्ण हे शिराढोण तालुका कळंब येथील असून हे सर्व पूर्वीच्या रुग्णाच्या संपर्कातील आहेत. आणि 1 रुग्ण सास्तुर ता. लोहारा येथील आहे तर 1 रुग्ण उस्मानाबाद येथील आहे अशी माहिती जिल्हा शल्य चिकीत्सक राजाभाऊ गलांडे यांनी दिली.
उस्मानाबाद जिल्ह्यात आजपर्यंत 122 कोरोना रुग्ण सापडले असून आतापर्यंत 3 जणांचा कोरोनामुळे मृत्यू झाला आहे तर 58 रुग्ण कोरोना मुक्त झाले आहेत आणि सद्यस्थितीत 61 रुग्णांवर उपचार सुरू आहेत.
