जळगाव – (प्रतिनिधी) – ए.टी. झांबरे माध्यमिक विद्यालयात स्वातंत्र्याचे आधारस्तंभ….
भारत भू ची माती साधी नाही ती खरोखरच मंतरलेली आहे. याच भूमीत रामाचे रामराज्य निर्माण झाले. न्यायाने चालणाऱ्या शिवाजी महाराजांचे हिंदवी स्वराज्य स्थापन झाले. अशा या भूमीवर इंग्रजांनी राज्य केले आणि भारतीय लोकांना गुलामीत अडकवले. या गुलामीतून सुटका करून घेण्यासाठी भारतीय लोकांनी आपल्या जीवाचे बलिदान दिले.
या क्रांतिकारकांची स्वातंत्र्यसैनिकांची मुलांना ओळख व्हावी, त्यांच्या कार्याचा परिचय व्हावा या उद्देशाने ए.टी. झांबरे माध्यमिक विद्यालयात स्वातंत्र्याचे आधारस्तंभ या विशेष कार्यक्रमाचे आयोजन करण्यात आले या कार्यक्रमात 1857 च्या उठावापासून 1947 च्या स्वातंत्र्यापर्यंत ज्या क्रांतिकारकांनी स्वातंत्र्यसैनिकांनी, समाज सुधारकांनी देशासाठी आपल्या प्राण्यांची आहुती दिली त्या 75 स्वातंत्र्यसैनिकांच्या भूमिकेत विद्यार्थ्यांनी सादरीकरण केले. झाशीची राणी लक्ष्मीबाई पासून ते सरदार वल्लभभाई पटेल पर्यंत विविध भूमिका 75 विद्यार्थ्यांनी सादर केल्या. या कार्यक्रमासाठी विद्यालयाचे शिक्षक इ.पी पाचपांडे, एस. एम. शिरसाळे, डी.बी चौधरी, पी.सी. लोहार, सी.बी. कोळी, पराग राणे यांनी सहकार्य केले.
