कोतवालांना चतुर्थश्रेणी कर्मचारी चा दर्जा मिळवून देण्याचे पालकमंत्री यांचे आश्वासन
पाळधी – (प्रतिनिधी) – तालुका धरणगाव येथे राज्य कोतवाल संघटना तर्फे पालकमंत्री ना.गुलाबराव पाटील यांना राज्यातील कोतवाल संवर्गातील विविध मागण्या संदर्भात निवेदन देण्यात आले. निवेदनात कोतवालांना चतुर्थ श्रेणी लागू करावी तसेच मानधन 15000 देण्यात यावे, महसूल मधील विविध पदांमध्ये 40 टक्के प्राधान्य देण्यात यावे, कोरोना मध्ये मयत झालेल्या कोतवालांच्या वारसाला तात्काळ नियुक्ती देण्यात यावी, सेवानिवृत्त कोतवालांना पेन्शन लागू करावी.
अशा विविध मागण्यांचे निवेदन पाळधी येथे निवासस्थानी कोतवाल संघटनेने पालकमंत्र्यांना दिले असून आपण कोतवालांना चतुर्थश्रेणी कर्मचारी चा दर्जा मिळवून देण्यासाठी प्रयत्नशील राहू असे आश्वासन ना. गुलाबराव पाटील यांनी निवेदन धारकांना दिले.
यावेळी जिल्हाध्यक्ष सदानंद भदाणे उपाध्यक्ष अमोल पाटील धरणगाव तालुका अध्यक्ष शालिग्राम कुवर रोहिदास पाटील, विजय कोळी ,नवल पाटील तबरेज खाटीक, राहुल शिरोळे, धनराज भोई दिपाली पाटील, मनीषा सोनवणे ,गोरख कोळी, नारायण सोनवणे, महेंद्र पाटील, शितल पवार, आशिष कोल्हे व इतर कोतवाल उपस्थित होते.
