फैजपूर(किरण पाटील)- परदेशी वाडा, फैजपूर येथील कुर्मी क्षत्रिय राजपूत युवक संघ व अंबिका गणेश मित्र मंडळा तर्फे सोशल डिस्टन्सिंगचे पालन करत तसेच घरातल्या घरात महाराणा प्रताप यांची जयंती साजरी करण्यात आली. महाराणा प्रताप यांच्या प्रतिमेस मान्यवरांनी अभिवादन केले. यावेळी अक्षयसिंह परदेशी, निलेश परदेशी, करणसिंह परदेशी, हिमांशूसिंह परदेशी, तेजससिंह परदेशी, यशसिंह परदेशी, आदी उपस्थित होते. प्रास्ताविक अक्षयसिंह परदेशी यांनी उपस्थितांना मार्गदर्शन केले. शहरात दरवर्षी मोठ्या उत्साहात महाराणा प्रताप जयंती साजरी केली जाते परंतू सध्या कोविड- १९ मुळे सुरु असलेल्या लॉकडाऊनच्या पार्श्वभूमीवर केवळ साध्या पद्धतीने अभिवादन करण्यात आले.
