जळगांव(प्रतिनिधी)- जागतिक दिव्यांग दिनानिमित्त राष्ट्रवादी काॅंग्रेस शिक्षक आघाडी जळगाव महानगर तर्फे दिव्यांगाच्या समस्या संदर्भात महानराध्यक्ष अशोक लाडवंजारी यांना निवेदन देण्यात आले. त्यांनी जागतिक दिव्यांग दिनानिमित्त या सर्व बंधूच्या समस्या लवकरच सोडवण्यात येतील असे आश्वासन दिले.
नंतर श्री. लाडवंजारी यांच्या व इतर मान्यवरांच्या हस्ते दिव्यांग बांधवांचा सत्कार करण्यात आला. शिक्षक आघाडीचे विजय विसपूते गेल्या १७ वर्षापासून दिव्यांग बांधवाच्या हक्कासाठी लढा देत आहेत.
सदर कार्यक्रमास शिक्षक आघाडी मार्गदर्शक वाय एस महाजन, जिल्हासरचिटणीस अशोक पाटील, मराठा मदिर विद्यावर्धनीचे मुंबई संचालक सुदाम पाटील, अध्यक्ष हेमंत सोनार, सचिव प्रवीण धनगर, सरचिटणीस सागर पाटील, विजय विसपुते, सुनिल माळी, रमेशजी बारे, सुशील शिंदे, रामधन पाटील, अकिलभाई पटेल, विशाल देशमुख, राजु बावसकर यांची प्रमुख उपस्थिती होती.
