प्रतिनिधी नाशिक : अनेक दिवसांच्या प्रतिक्षेनंतर आज पावसाने नाशिकमध्ये जोरदार हजेरी लावली. नाशिक जिल्ह्यात पावसाचा जोर वाढला असून, गंगापूर धरण क्षेत्रातही मुसळधार पाऊस झाला. तसेच गोदावरी नदीलाही पूर आला आहे. त्र्यंबकेश्वरमध्ये मुसळधार पावसामुळे शहरातील रस्त्यावर पाणीच पाणी झाल्याने अनेक गाड्या पाण्यात बुडाल्या आहेत.
त्र्यंबकेश्वरमध्ये शुक्रवार पहाटेपासून मुसळधार पावसाने हजेरी लावली आहे. यामुळे शहर जलमय झाले आहे. दरम्यान नाशिक शहरात काल शनिवार दुपारपासून पाऊस सुरू असल्याने गोदावरी नदीला पूर आला आहे. शहरातील सिडको, पंचवटी, इंदिरानगर, नाशिकरोड परिसरात पावसाचा जोर कायम असून, यामुळे नाशिकमध्ये जनजीवन विस्कळीत झाले आहे.
