जळगाव (प्रतिनिधी)- शहरातील गणेश कॉलनी स्थित प्रगती शाळेत आज महामानव डॉ. बाबासाहेब आंबेडकर यांना त्यांच्या महापरिनिर्वाण दिनानिमित्त मानवंदना देऊन विनम्र अभिवादन करण्यात आले. कार्यक्रमाचे आयोजन नियोजन शिक्षक मनोज भालेराव व रमेश ससाणे यांनी केले. शिक्षक मनोज भालेराव यांनी डॉ बाबासाहेब आंबेडकर यांचे चित्र फळ्यावर रेखाटून त्यांना मानवंदना दिली.
या कार्यकामाप्रसंगी विद्यावर्धिनी शिक्षण संस्थेचे चेअरमन प्रेमचंदजी ओसवाल यांनी प्रतिमेला माल्यार्पण केले व डॉ. बाबासाहेबा आंबेडकर यांनी दिलेल्या न्याय, समता बंधुता, स्वतंत्र या मुल्यांचे आपल्या जीवनातील महत्व विद्यार्थ्यांना सांगितले. संस्थेच्या अध्यक्षा मंगलाताई दुनाखे यांनी डॉ बाबासाहेब आंबेडकर यांचा जीवनपट उलगडाला. शाळेच्या मुख्याध्यापिका शोभा फेगडे यांनी विद्यार्थ्यांना शिक्षणाचे महत्व सांगितले. याप्रसंगी संस्थेचे सचिव सचिन दुनाखे यांनी प्रतिमेला पुष्प अर्पण केले व आपली उपस्थिती दिली तसेच शिक्षक व शिक्षकेतर कर्मचारी हे उपस्थित होते.
