महाराष्ट्र भाजपमार्फत ‘माझं अंगण, माझं रणांगण’, ‘महाराष्ट्र बचाव’ अंतर्गत राज्य सरकारच्या विरोधात निषेध आंदोलन केलं. तर भाजपच्या आंदोलनाला प्रत्युत्तर म्हणून महाविकासआघाडीने महाराष्ट्रद्रोही भाजप असं आंदोलन चालू केलं आहे.
मुंबई: कोरोनाच शकत राज्यात वाढत चालले आहे. देशात सर्वाधिक रुग्ण हे महाराष्ट्रात आहेत. कोरोनाच संकट रोखण्यात राज्यातील ठाकरे सरकारला अपयश आल्याचं सांगत भाजपने राज्य सरकार विरोधात आंदोलन केले. ठाकरे सरकारविरोधात घराच्या अंगणात उभं राहून काळ्या फिती, रिबीन लावून, काळे झेंडे उंचावून अथवा काळे फलक हातात घेऊन ठाकरे सरकारचा निषेध नोंदवा, असं आवाहन भाजपचे प्रदेशाध्यक्ष चंद्रकांत पाटील यांनी केलं होत. ‘माझं अंगण, माझं रणांगण’, ‘महाराष्ट्र बचाव’ अंतर्गत हे निषेध आंदोलन करण्यात आलं. तर भाजपच्या या आंदोलनाला प्रत्युत्तर म्हणून महाविकासआघाडीने महाराष्ट्रद्रोही भाजप असं आंदोलन चालू केलं आहे. महाराष्ट्रद्रोही भाजप हा ट्रेंड ट्विटर वर सुरु केला आहे.
कोरोनाविरुद्धच्या लढ्यात राज्यातील महाविकास आघाडी सरकार पूर्णपणे अपयशी ठरलं आहे. त्यामुळे या सरकारला जागे करून प्रभावीपणे काम करण्यास भाग पाडण्यासाठी भाजपने महाराष्ट्र बचाव आंदोलन सुरु केलं आहे, असे भाजपाचे प्रदेशाध्यक्ष चंद्रकांत पाटील यांनी म्हटलं होत. कोरोनाला रोखण्यात ठाकरे सरकार पूर्णपणे अपयशी ठरल्याचं दिसून येत आहे. संकट मोठं आहे म्हणून सहकार्य करा, असं सरकारकडून वारंवार सांगितलं जात होत. त्यामुळे आम्ही आणि सामान्य जनतेने सहकार्य केले. पण आता लोकांच्या मनातील राग अधिक काळ लपवून राहू शकत नांगी, असं सांगतानाच ठाकरे सरकारच अपयश आणि कोरोनाचा वाढत प्रादुर्भाव या पार्शवभूमीवर आम्ही राज्यातील सर्व तहसीलदार आणि जिल्हाधिकाऱ्यांना निवेदने दिले आहेत, असं पाटील यांनी सांगितलं आहे.
