जळगांव(प्रतिनीधी)- सिंहगड इंस्टिट्यूट सोलापूर येथे सर फाऊंडेशन तर्फे आयोजित करण्यात आलेल्या दोन दिवसीय राष्ट्रीय स्तर एज्युकेशनल इनोव्हेशन कॉन्फरन्स-२०१९ मध्ये जिल्हा परिषद जळगाव येथील शिक्षण विस्तार अधिकारी तथा रावेर पंचायत समितीचे प्रभारी गटशिक्षणाधिकारी विजय पवार यांनी सक्रिय सहभाग घेतला. सदर राष्ट्रीय परिषदेत राज्यातील १०५ शिक्षकांनी शैक्षणिक नवोपक्रम सादर केले. शिक्षणातील नवीन प्रवाह, सरकारी शाळा सक्षमीकरण, स्मार्ट स्कुलींग या विषयावर चर्चासत्र सोबतच विविध उपक्रम या परिषदेत घेण्यात आले. याप्रसंगी गटशिक्षणाधिकारी विजय पवार यांचा शाल, पुष्पगुच्छ व सन्मानचिन्ह देवून सर फाऊंडेशन तर्फे सत्कार करण्यात आला .या प्रसंगी विपुल शहा शास्त्रज्ञ पुणे, डॉ भावेश पंड्या शिक्षणतज्ञ गुजरात, बाळासाहेब वाघ, सिध्दाराम माशाळे यांची प्रमुख उपस्थिती होती. विजय पवार यांनी मुक्ताईनगर, भुसावळ, रावेर या तालुक्यात गटशिक्षणाधिकारी म्हणून काम करत असतांना अनेक नाविन्यपूर्ण शैक्षणिक उपक्रम राबविले आहेत. त्यांच्या या सत्काराबद्दल शिक्षकवर्गातून त्यांचे अभिनंदन होत आहे .
